AE NADAAN DIL…

ae dil tu kyu hai itna khafa..

is duniya mei khushiyon ki boli lagti hai..

kisi ko khilone toh kisi ko gaadi acchi lagti hai..

kisi ko baantne mei khushi milti hai toh  kisi ko cheen ne mei maza aata hai..

yaha jazbaato ka mela lagta hai.. insaano ki numaish hoti hai..

yahan kisi ko badi imaaraton mei khushi nhi milti aur koi jhuggiyon mei rehke bhi khush ho leta hai..

ja ae dil tu bhi thodi khushiyan lele.. iss mandi mei sab milta hai..

aaj paise k dum pe  yahan emaan bhi bikta hai..

phir kyu insaan insaano se hi darta hai..

Jahan insaani jazbaato ko mazak samjha jaata hai..

Jahan dhoke ke saath aapka swagat kiya jata hai…

aye mere nadaan dil..tu hi bata… ye kis basti mei aa gaye hum…

ye khuda ke nekdil bando mei aaj ahem kaisa aa gaya..

yahan insaano ko ek khilona samajha jata hai hai…

aur majhab ke naam pe baanta jaata hai …

jahan tere jazbaato ka koi mol nhi..

phir aye mere natkhat nadaan dil.. tu iss mod par bhala kyu aa gaya..

chal chale phir kahi door… kisi nayi basti ki talash mei..

jahan doosre ki khushi in paiso se badkar ho..

jahan kisi ka dukh baantkar dil ko sukoon-e chain mile..

jahan khilone dukano mei aur dilo mei aapsi prem milta ho..

jahan khushiyon ki do paribhashayen na ho..

ae mere nadan natkhat dil.. chal kyu na aise hi jeene ki koshish karte hai..

By – Abhyudaya Sharma

Bachpan

Bachpan

Mere khayalo ki khidki par ek chidiya ka gharonda hai…

mere vicharon k bhawar mei ek kashti gote khati hai…

uchalti machalti dagmagati..aage badi chali jaati hai…

uss chidiya ki ku ku mei.. uss pani k goto mei..

ek bachpan sa jhalakta hai…

jise phir jiye jaane ko ye dil bahot karta hai..

unn yaadon k pinjre mei qaed ek bachpan tha…

befikar besabar jo karkash tha..

jahan samay ka na koi bhay tha..

ek madhosh sa alam tha.. ek fitoor sa rehta tha …

jahan rishton ki neev seechi jaati thi.. uss gharonde mei mai rehta tha.

fir ek din duniya se nata juda.

sapno ke bojh tale…ek nanha sa bachpan daba.

jahan har mod par pagdandiya hai…

jaha bhor ka na koi samay ..

na raat ka aasra…

jahan har taraf andhera sa dikhayi deta hai…

in adhero mei jaagi hai ek umeed ki roshni.. jise bachpan mei maine dekha tha…

un reeti rivazo se..

un khali jazbaaton se..

un jhute kasme vaado se..

door jaane ko jee karta hai…

un vichoro ko zakdi zanjeero se..

un uch neech ki baaton se..

un dakiyanoosi ravayaton ko…

aaj badalne ko jee karta hai..

ek aag hai jo seene mei dhadhakti hai..

bechain mujhko karti hai..

aaj phir bachpan ke aagosh mei jaane ko ye dil karta hai

by Abhyudaya Sharma